மாநில நல்லாசிரியர் விருதுக்கு பரிந்துரைகள் வரவேற்பு - ஆகஸ்ட் 10 கடைசி நாள்!

மாநில நல்லாசிரியர் விருதுக்கு பரிந்துரைகள் வரவேற்பு - ஆகஸ்ட் 10 கடைசி நாள்!

புதுச்சேரி: புதுச்சேரி பள்ளி கல்வித் துறை சார்பில் ஆண்டுதோறும் வழங்கப்படும் மாநில நல்லாசிரியர் விருதுகளுக்கான பரிந்துரைகளை ஆகஸ்ட் 10-ஆம் தேதிக்குள் சமர்ப்பிக்க வேண்டும் என பள்ளி முதல்வர்கள் மற்றும் பள்ளித் தலைவர்களுக்குத் துணை இயக்குநர் அறிவுறுத்தியுள்ளார்.

மொத்தம் 21 பேருக்கு மாநில நல்லாசிரியர் விருது

புதுச்சேரி பள்ளி கல்வித் துறை சார்பில் ஆசிரியர் தினத்தை முன்னிட்டு சிறந்த முறையில் பணியாற்றிய ஆசிரியர்களுக்குப் பின்வரும் 21 விருதுகள் வழங்கப்பட்டு வருகின்றன:

• டாக்டர் ராதாகிருஷ்ணன் விருது - 4 பேருக்கு
• முதல்வர் சிறப்பு விருது - 7 பேருக்கு
• கல்வியமைச்சரின் வட்டார விருது - 10 பேருக்கு

விருது பெற தேவையான தகுதிகள்

இந்த விருதிற்குத் தகுதியானவர்களைத் தேர்வு செய்ய தனிக் குழு அமைக்கப்பட்டுள்ளது. விண்ணப்பிக்கும் ஆசிரியர்களுக்கான முக்கிய நிபந்தனைகள்:

• ஆசிரியர்கள் 2025-ஆம் ஆண்டு டிசம்பர் 3-ஆம் தேதி கணக்கீட்டின்படி குறைந்தபட்சம் 15 ஆண்டுகள் கற்பித்தல் அனுபவம் கொண்டிருக்க வேண்டும்.
• தலைமை ஆசிரியர்கள் மற்றும் பள்ளி முதல்வர்கள் 20 ஆண்டுகள் கற்பித்தல் அனுபவம் பெற்றிருக்க வேண்டும்.
• ஓய்வு பெற்றவர்களுக்கு இவ்விருது வழங்கப்படமாட்டாது. எனினும், விருது வழங்கப்படும் கல்வியாண்டில் குறைந்தபட்சம் 4 மாதங்கள் பணியாற்றி ஓய்வு பெற்ற ஆசிரியர்கள், அனைத்து நிபந்தனைகளையும் பூர்த்தி செய்தால் விண்ணப்பங்கள் பரிசீலிக்கப்படும்.

விண்ணப்பிக்கும் முறை & முக்கிய விதிமுறைகள்

குறிப்பு: ஆசிரியர்கள் நேரடியாக இவ்விருதிற்கு விண்ணப்பிக்க அனுமதியில்லை. தகுதியான ஆசிரியர்களைப் பள்ளித் தலைவர்களே பரிந்துரை செய்ய வேண்டும்.

• பரிந்துரைக்கப்படும் ஆசிரியர்கள் தேர்வுக்குழு கலந்துரையாடலின் போது தங்களின் சாதனைகள் குறித்த விளக்க காட்சியை (Presentation) சமர்ப்பிக்கலாம்.
• பள்ளித் தலைவர்கள் தங்களின் பரிந்துரை படிவங்களை ஆகஸ்ட் 10-ஆம் தேதிக்குள் கல்வித் துறைக்குச் சமர்ப்பிக்க வேண்டும்.